| 
•O PPdeG recollerá
no seu programa electoral para as vindeiras eleccións municipais
a proposta que Novas Xeracións de elaborar un Plan de Vivenda
para mozos impulsado, coas adaptacións necesarias en cada
caso, desde as sete grandes cidades e as principais vilas de Galicia.
Así o manifestou o Presidente do PPdeG, Alberto Núñez
Feijóo e, a Presidenta de Novas Xeracións, María
Seoane, na rolda de prensa posterior ao primeiro Comité Executivo
que celebrou Novas Xeracións trala elección da nova
presidenta rexional.
PROGRAMAS NECESARIOS PARA
OS XOVES
Ante a supresión, sen dar ningún tipo de alternativa
a cambio, por parte da Xunta de todas as medidas de Vivenda destinadas
aos xóvenes, como eran a Hipoteca Xove, que beneficiou a
7.000 xóvenes, ou a Bolsa de Aluguer, que beneficiou a outros
4.000, o PPdeG desenvolverá nas cidades que goberne unha
política de vivenda que beneficie aos máis novos.
Para a elaboración
do Plan Municipal de Vivenda para Mozos, o PPdeG tratará
de involucrar nel á Xunta de Galicia, actualmente sen política
de vivenda para a xuventude. O presidente do PPdeG afirmou a vontade
do PPdeG de consensuar este Plan coa Xunta de Galicia, pero deixou
claro que “coa axuda da Xunta ou sen ela, os concellos gobernados
polo PPdeG darán unha opción real aos xóvenes
de poder emanciparse”.
BOLSA DE ALUGUER E HIPOTECA
XOVE
O borrador presentado por Novas Xeracións ao PPdeG inclúe
medidas en materia de aluguer e compra de vivenda destinadas aos
mozos. No borrador, a organización político xuvenil
propón que os concellos adopten todas as medidas fiscais
que estean na súa man para favorecer o acceso dos xóvenes
á vivenda, e no referente a aquelas medidas que non estean
na súa man, facer as xestións necesarias ante as administracións
competentes.
Novas Xeracións propón
reeditar a Bolsa de Aluguer eliminada pola Xunta, desde os gobernos
municipais das cidades e principais vilas de Galicia; e como resposta
á anulación da Hipoteca Xove por parte da Xunta, NNXX
propón que os concellos concerten directamente convenios
coas entidades financeiras para atenuar o esforzo inversor dos mozos
á hora de adquirir o seu propio fogar.
A anulación da Hipoteca
Xove produciu que os xóvenes non teñan dereito a ningún
tipo de axuda para o acceso á vivenda libre, circunstancia
que se agrava ó haber moitos concellos nos que non se construé
vivenda social. Neste senso, NNXX suxire que a planificación
urbanística dos concellos teña en conta a necesidade
de facer accesible a vivenda aos mozos, ó ter máis
baixo nivel adquisitivo.
INCREMENTO DO PREZO DA VIVENDA
Durante a rolda de prensa, Núñez Feijóo recordou
que en xuño de 2005, cando o PPdeG deixou a Xunta, Galicia
se atopaba entre as tres CC.AA. onde os mozos debían facer
un menor esforzo para acceder á vivenda libre en propiedade,
segundo un informe do Consejo de la Juventud de España.
Así mesmo, Galicia,
que era a segunda CC.AA. cos prezos de Vivenda mási baratos
tanto en vivenda libre como en vivenda protexida, situábase
entre as tres CC.AA. onde menos crecía o prezo da vivenda,
e agora se sitúa entre as tres CC.AA. onde este prezo crece
máis.
|
Galego
Castellano
