NOVAS XERACIÓNS
DE GALICIA ESCOLLE NOVA PRESIDENTA REXIONAL: MARÍA SEOANE ROMERO
Dous días de intenso traballo no Pazo
de Congresos de Santiago de Compostela, catro ponencias, máis
de cincocentos compromisarios e unha nova Presidenta Rexional, María
Seoane. Así se podería resumir o VII congreso de Novas
Xeracións de Galicia.
Todo un fin de semana no que se traballou
a reo de cara a marcar as liñas mestras que debe desenvolver
NNXX de Galicia durante os próximos 3 anos.
Pero o congreso comezou máis aló
do 16 e 17 de decembro. Xa a partires do día 16 de novembro
no que se convocaba comezou o traballo de mans do Comité Organizador
do Congreso, encabezado por Beatriz Rodríguez. Durante os días
que precederon á celebracion do mesmo traballaron para acadar
o que a posteriori se convertiu nunha realidade: un congreso ameno,
dinámico e participativo.
Tamén nestes días previos á
celebración do congreso se elaboraron as catro ponencias que
se haberían de debater o día 16 e aprobar o 17 de decembro,
a saber: "Con acento galego", "Temos moito que decir",
"Faite escoitar" e "Hai partido. As regras do xogo",
cuxos respectivos relatores foron Antonio Basanta, Juan Fariña,
Olegario Rodríguez e Juan Villar.
Foi este o congreso da participación.
Proba delo o gran número de enmendas presentadas ás
ponencias por parte de afiliados, todas elas debatidas na tarde do
sábado nas catro comisións de traballo. Nesta xornada
cabe destacar a presencia da Secretaria Nacional de Políticas
Sociais e de Xuventude do PP, dona Ana Pastor, quen infundiu nos mozos
e mozas da organización ánimos para seguir traballando
por e para Galicia.
Xa na mañá do domingo 17, a
xornada comezou ás 10:00 coa apertura da sesión plenaria
do congreso, aprobándose a mesa do mesmo por unaminidade e
quedando presidida polo presidente local de Novas Xeracións
de Vigo, Angel Latas.
Logo da aprobación do regulamento do
congreso e da presentación e aprobación das ponencias,
procedeuse ó informe de xestión, a cargo do Secretario
Xeral saínte, Gonzalo Trenor, o cal se aprobou tamén
por unaminidade.
É de destacar as intervencións
dos presidentes provinciais de Lugo (Antonio Basanta), Ourense (Ana
Belén Vázquez), Pontevedra (Marta Rodríguez)
e A Coruña (Gonzalo Mora). Todos coincidiron na importancia
que tiña este proceso e na necesidade de permanecer unidos
e traballar polas persoas.
Acto seguido presentouse a candidatura da
única persoa que se chegou a presentar para encabezar a organización
xuvenil: María Seoane Romero. O seu discurso, que se basou
en tres palabras clave: renovación, traballo e equipo, foi
moi ben acollido entre a totalidade dos compromisarios, feito que
corroboraron os resultados nas votacións, onde María
acadou o 98% dos votos dos máis de 500 compromisarios, saíndo
así elixida prácticamente por unaminidade ela e o seu
equipo directivo, no que caben destacar nomes coma os de Javier Dorado,
Jorge Guerra ou Cristina Ares.
Chegouse así ó momento da clausura
do congreso, e con él tamén o momento das despedidas
e das benvidas.
Emotivo o discurso do presidente saínte,
Diego Calvo, que quixo facer de todos os seus colaboradores os froitos
da súa boa xestión.
Exhultante María Seoane, nova Presidenta,
que coa forza dun furacán e arroupada por un sen fín
de altos cargos do partido, entre os que destacaban Gerardo Fernández
Albor, Alberto Nuñez Feijoo, Alfonso Rueda, Nacho Uriarte ou
os presidentes provinciais do partido de Lugo, Ourense e Pontevedra,
ratificou as suas promesas e fixo fincapé na importancia que
todos teñen nesta organización, ademáis de recordarnos
algunhas das non-políticas de xuventude que a Xunta está
a levar a cabo, coma a cancelación da Hipoteca Xoven.
Claro o Secretario Xeral do partido en Galicia,
Alfonso Rueda, que recordando a súa etapa á fronte de
NNXX da provincia de Pontevedra pediu o esforzo de todos para que
o PP de Galicia gañe as próximas eleccións, que
é o que precisa este país.
Seguro Nacho Uriarte, presidente de Nuevas
Generaciones de España, de que María se vai converter
nun referente para os mozos e mozas de Galicia e de España.
Pero sen dúbida o momento máis
emotivo veu coa intervención do presidente do PP de Galicia,
Alberto Nuñez Feijoo. Durante toda a xornada, os distintos
oradores viñeron a resaltar a figura da Presidenta Fundadora
de NNGG: Loyola de Palacio, pero foi nesta derradeira intervención
do día onde se gardou un minuto de silencio na súa memoria,
silencio que só rompeu a súa propia voz nunha das súas
últimas intervencións, na homenaxe a D. Manuel Fraga
en Galicia, e pola gran ovación que sen dúbida sempre
se merecía.
En definitiva, resultou ser este un dos congresos
máis emotivos que se lembran na historia de Novas Xeracións
de Galicia, e coa esperanza que aporta a figura da nova Presidenta,
María Seoane, e a do seu equipo, estamos seguros que co traballo
de todos se contribuirá a acadar o que Galicia precisa, un
goberno do Partido Popular, e non un desgoberno bipartito.
Galego
Castellano
