Novas Xeracións de Galicia
sempre demostrou un profundo interese pola cultura. Isto puidose ver
ó longo destes últimos anos non só co apoio amosado
en diferentes actos culturais, senón tamén a través
das ambiciosas propostas neste área que a nosa organización
ten presentado nos diferentes procesos electorais.
Logo do grande éxito acadado
co "I Concurso de Poesía en Galego", e co motivo da
celebración do Día das Letras Galegas o vindeiro 17 de
maio, Novas Xeracións de Galicia quere ir un pouco mais alá
no seu compromiso ca cultura galega. Dende o noso profundo sentido galeguista,
queremos dar un pulo ós mozos e mozas galegos que senten inquedanzas
no eido da composición poética. É por isto que
Novas Xeracións de Galicia leva a cabo este xa "II
CONCURSO DE POESÍA E RELATO CURTO EN GALEGO"
Animamos a todos os mozos e mozas
a participar neste evento, de xeito que a nosa cultura, a de todos e
todas, se aproveite do impulso que as vosas composicións lle
van dar.
O Concurso
de Poesía está dotado dun primeiro
premio, consistente nun trofeo acreditativo
mais unha cea para dous nun restaurante compostelán,
e dun segundo premio, consistente nun trofeo
acreditativo. Así mesmo tamén se fará
entrega dun diploma acreditativo de finalistas ós 10
mellores traballos a xuizo do Xurado.
O Concurso
de Relato Curto estará dotado dun primeiro
premio, consistente nun trofeo acreditativo
e dunha fin de semana para dous nun SPA, un segundo
premio consitente nun trofeo acreditativo
e dun MP3 e dun terceiro premio consistente
nun trofeo acreditativo. Tamén se fará
entrega dun diploma acreditativo de finalistas ós 10
mellores relatos a xuizo do Xurado.
As bases para poder participar
atoparedelas a continuación.
Galego
Castellano
